升中六，有所謂的適應營。

今次營會入面，有個活動係要參加者不以儀器來估算時間。要估十八分鐘。這十八分鐘內有不同的活動可選來做，隨時可以叫停。

出來的結果，有些差強人意，有些離譜至極(誤差超過百分之四十)，但這不是重點。活動後，當然要來個事後檢討啦。其實都米已成炊，檢討來做什麼？不過這都不是重點。

這是一個早有預謀的整蠱，我可以肯定。個事後檢討，主持劈頭第一句就話：「你們的時間觀念不好。」有發現什麼問題嗎？「這個活動係要你們知道時間管理的重要性，(下刪六個字，即半個鐘)」心水清的人已經在心中爆粗中了。無發現問題？不如聽個故仔呢？

你係某間公司高層，今手金融地震要炒人。今朝你返工，見檯頭有張紙，係名單來的，除此之外就什麼都無，無資歷、無職位、連相都無張。你有十五分鐘決定炒誰。經過幾次摘骰後，你決定好炒哪幾個，交了名單畀上頭。明日返工，你發現你炒了老闆個得力助手兼開國功巨。後日你返工，老闆召你上去，同你講：「你在公司的堅持係值得的，你明天就不用返工了！」正當你轉身想走，老闆又加句：「後日連你老婆都不用返工了！」

主持從我們估錯時間推論出我們無人識管理時間，這是她睼到的。恁，我又睼到什麼？人的感覺不可靠，所以我們需要儀器。這個道理人類在幾千年前就已經領略到。要我㥃在無從得知時間下管理時間，情況同上述炒人事件一樣恁無稽。你並不是無可能做得好，但你只係靠「感覺」，靠的其實就只係運氣。如過你話我知，主持係想我知道「人計時不準確」的話，我亦只能：「哦！原來我媽是女人！」否則我每日帶錶來做什麼？

仆你個街，上訴個 U 你都夠膽死話上訴失敗。恁，即係點樣？即係話，好大可能考評局街呃飯食係真係呃飯食嘅。我有寫字你最多畀到個一我啫，點可能出到個 U？我極度懷疑佢哋睇都無睇到我份卷。

嚴格來講，本篇係無粗口出現過嘅。「仆街」同「冚家剷」分別係咒罵對方及全家不得好死、語氣極重嘅說話，但絕對就唔係粗口。

今日，陪老頭到電腦商場買打印機^註一。其間行過隔籬舖頭廚窗睼老鼠，行行下有個睼落同我差不多年紀的人問我 Microsoft 同 Razer 合作那個鍵盤 (Reclusa) 幾錢。當然，我咁好人，為保他的自尊心，我扮聽唔到，望都無望過佢，掂行掂過，佢都即刻好醒水地入去舖頭搵個真售貨員問價。

事實證明，做售貨員係無需要問「有乜嘢可以幫到你？」^註二。顧客係有心買的話，他會自動行埋你那處，不論佢有無心買，你一講佢九成會行開。

註一：點解我無去電腦及昆水節買？名稱告訴你了。

註二：「有乜嘢可以幫到你？」係 "What can I help you?" 的直 (硬) 譯。顧客來到，你唔係想幫佢，你係想佢幫襯你。所以廣東話老早就有句「有乜嘢幫襯？」，但近年時興背棄祖宗，莫講話聽過，識都已經無乜人識呢句嘢。

每當「為何我轉不到？」這個問題出現時，無論提問者畀出幾多難處、幾多描述都好，好多人畀的答覆就只係「練習」、「練多尐」等等空廢之言。

為何會有這樣的情況？因為回答者都係恁樣學識這招的，無論他當年有無問相同的問題。

人係有惰性的，尤其對於腦部運動。當其他人一路都係恁，點解我要辛辛苦苦行一條對自己無益的新路？點解要去教人？以最短的目光來看，以自己的學習過程、經驗教人絕對係對自己了無益處的。但試想一下對於轉筆界，一個好的教學是何等的重要？這是知識的傳授，等於一本教科書。一個好的教學可以令幾多新手減少浪費時間？恁樣每一個人每一招都 trial and error，實在太無效率。

人係有惰性的。無用的事物，無幾多人會走去記。試問各位，重有幾多人記得自己三五年前練 thumbaround reverse 時，是因何成功、因何失敗的？雖然有多少人有思考過這個問題都成問題。在 HKPSA 成立之初，小的提過下「新手教新手」這個玩意，讓剛學懂某招的新手教識其他新手 (無論以什麼方法)。教者可以清楚自己失敗過的原因 (重心控制、手指擺位、用力、等等等等)，就算不能立即知道都可以訓練這個能力，令學新招時更易上手；授者可以清楚了解該招所要做的、所要避免的，做錯都有人指正，不用每次都試試試。這樣才是有效的教學與學習方法。

現在 HKPSA 的「教學方法」，是示範一招給你看，不告訴你該怎樣做，然後告訴你：「我想要你做到這樣」。你做不到，上來問，我答你：「練習吧！」怎叫新手不洩氣？有志氣的都被激走了，聰明的又唔使來。小朋友氾濫，可以怪誰？

拿 thumbaround reverse 作例。好多人初轉這招時永遠都失敗的原因是一開始就放錯位。如果不靠語言 (不論文字又好說話又好)，你話新手要如何知道這個錯誤？唔知的話，這個錯誤要試幾多次先有機會改善？靠老手僅餘的記憶來指正？又有有幾多個老手會留意擺位這些早已成為天性的事情？靠新手睼「示範」來自行發現？係的話那我們要「教學」來托？

正因小弟見到現今教學系統的不足及其可造之處，才會發表這篇短短的文章。各位新手，你們願意為轉筆界盡一分力，將新鮮滾熱辣的火種傳開去嗎？

災難。

有過 AMD / ATI 顯示卡的朋友大概知我在講什麼了。未用過的，在購入一塊 AMD / ATI 顯示卡時請三思，至少在安裝 Catalyst Control Center 前要三思，CCC 不是 driver 的必要元件。

有過 AMD / ATI 顯示卡的人都知，當 driver 行得好地地時，就勿搞佢。升級 CCC 隨時會搞個大頭佛出來。 不先刪除舊 driver，可能會導致 (各式各樣的) 安裝失敗；先刪除 driver (其實是 CCC)，可能會出現小弟今次偶到的情況：.NET framework 2.0 掛柴。係又死唔係又死，無事就勿搞。

刪除 CCC 時，其移除程式可能會誤刪 .NET framework 2.0 的檔案，使其掛柴。而移除 .NET framework 後，又有可能無法再安裝 (未清楚同 CCC 有無關係)。這就係小弟今次遇到，耗廢徂兩個月來處理的問題。

如果你恁無運同我遇到同一個問題，又恁無運不可重裝 Windows，又有乜解決方法？

C:WindowsAssembly

成個資料夾剷徂去，再安裝多次 .NET framework 2.0，搞掂澌。

所以，CCC不掂為妙。

當然，如果可以隨時重裝 Windows 的話，就搞乜都無所謂。

顯示晶片開發商 Nvidia 終於將他們第一款 DirectX11 晶片 GT300 送交 TSMC (台積電) 試產。本來 GT300 的下線時間是定在六月初，後來延遲到月中，然後一路......到七月最後一個星期先趕到。現在才試產，看來零九年可看到 GT300 面世機會好微，就算一零年初見到的機會都不大。要見？第二季吧！為何 GT300 恁大鑊？要數都不易。先，N 記好玩唔玩，玩「有原則」，由其第一代 DirectX 10 晶片 G80 開始，N 記就食錯藥，玩大晶片。做半導體行列，最忌就係大。N 記一連三代都造巨型晶片，由 G80 到 G92 到 GT200 重要越玩越大，早就因良率低而為人詬病，就連自己都頭憡，因成本高無肉食，但現今他居然夠膽出第四代巨型晶片 (雖已比 GT200 細)。更甚，這次是 N 記第一次採用 TSMC 40 nm 製程，40 nm 就連 TSMC 自己都一身蟻，都係良率問題，我真係無眼睼。再者，據 N 記所說，GT300 是全新設計的晶片 (無法，鬼叫 GT200 連少少 hardware tessellation 都做唔到)，我們可以預期一個未經測試的新架構，用新的製程生產，會全無問題，試產後直接量產嗎？我就不敢大樂觀了。如果 GT300 完全無出錯，可於明年第一季見街，如果係恁，亦只可以話 N 記死好彩。

反觀 AMD / ATI 陣營，早在六月 Computex 中就已展出下一代 DirectX 11 晶片 (代號 Evergreen) 的晶圓，預計十月會有零售，這時 GT 300 應該連影都未見。慢人半年，N 記今次真係踣前。

來源：SemiAccurate

今早，我在一篇 HK Blog 的文章中留了「這篇文，無㞗聊。」的留言。半個鐘後再看，我畀的 0 eprops 還在，留言消失了。再留個相同的留言，半個鐘後再看，又再次消失。然後，我就不能再看 HK Blog 的文章了，雖然HK Blog 首頁 (http://hk.xanga.com/) 重可以上。之後又發現，HK Blog 的文章不再顯示在我的個人頁面上。到好友列表 (friend list) 睼睼，果然 HK Blog 不見了。

初時我以為是 HK Blog 虧了，點知每一次睼，留言數目都有升，重升得好快。登出看一看，立刻就能看到文章了，我的留言還是不在。一定有輘輷。矛頭指向一個方向：我被封了。

這次並不是我第一次在 HK Blog 上留粗口留言，我亦不是惟一留粗口留言的人，為何這次會封掉我的？人踩到你，乜都唔做，但火線到極點就第一時間發老脾？真葳蕤。好歹都話我知我唔應該恁做呀，雖然你講我多數不會聽，聽了都不會改。定還是 HK Blog Team 今次第一次見有人留粗口？定 HK Blog Team 近排黑箱地轉徂方針？㯫我所知，HK Blog 一向實行打帶跑的策略，發 (或偷) 了文章，有人屌，無視；沙發黨，無視；罵戰，無視；粗言穢語，無視；洗版，無視；廣告，無視。何解今次會封我？我連公開批評 HK Blog 都未試過。睼來係我樣衰居多。

以後就少一個地方屌膠人了...好少有個地方有恁多膠人排住隊等屌呢...

值得一讚的是 HK Blog Team 起碼有一個人識字，知「㞗」係一門五傑廣東話粗口字之一。

有日，見到一對男女在街上拖著手走過。不明所以的，我覺得他們這個行為很低俗。今日回想起這事，不禁問起自己為何會有這個戇怴怴的想法。

以前 (新教) 學校的 (自稱基督徒的新教徒) 訓導老師話過男女唔可以有親密行為 (呃，其實每年都重講緊)，我清楚記得「拖手仔」係禁忌的一種。總之理你有無著校服，俾訓導到你做 (佢定義的)「親密行為」，就準備接實佢車埋來的缺點吧。唔知係唔係就係因為每年都被這些道德塔利班騎劫我的思想，所以會出現如斯歪念。係的話，真係要扮個獎畀佢，洗腦洗得恁徹底，似乎重洗過龍。

先唔講好惡，到底「拖手」呢個行為有乜用途？唔係話樣樣嘢都要講用途同目的先安樂，但「拖手」這個行為歷久不衰都重係拍拖的必備環節，自然有它的原因。鑽石是因為一句標語「A diamond is forever」而流傳至今。拖手會因類似原因而流傳嗎？來個想像實驗。一對情人，他們生活在一個從不提「拖手」的地方，電視劇集不會講、學校不會講、無人會在他們面前拖手...那，他們會拖手嗎？

有說被男生拖住的女生會有安全感(倒轉不行的嗎？)，所以拖手存手。但為何總是男生主動去拖女生？如果傳統一直無變的話，邊個係第一個發現呢樣嘢嘅？

講返自己。我窮一生追尋「我」，故不喜模仿人不好接觸人(no less (no less 唔識譯))，怕會前功盡廢。由細到大我都好怕掂人，就算係阿媽抱、拖、覽都會即刻掙扎。同其他人嘅接觸都係可免則免。查實我係唔係心理有問題？

其實這個話題可以講到去達爾文理論，有機會再講...

「歡迎蒞臨第二十屆港澳台動漫電玩電器音響書音樂時裝節 (雖然個名係第一次用)。」
然後場中有架法拉利。

謎底：估你唔到 (或估佢唔到，隨你喜歡)

解：頂，中文卷五 (綜合能力) 摣咗兜。^註一、二

有啲嘢，係要用廣東話講先夠傳神，其他語言拍馬都追唔上。

摣兜呢樣嘢，平時同人講笑就講得多，但就真係呢世仔都未諗過自己會摣兜。今年怪事特別多。除咗我中文卷五外，重有兩個同班同學，一個寫作、一個聆聽，另有一個隔蘺班嘅同學中文作文、一個能言善辯嘅朋友高考中化柯佬都兜咗。^註三以前講笑希望考評局計錯我分令到我有三十分，點知依家就真係計錯分...以後都係將我僅餘嘅幽默感都有咁埋收咁埋算。

以前，聽人講攞 U 係一件好難嘅事，只要寫過字都起碼有個 F。而家睇睇，攞 U 易過食菜，重要總有一隻喺左近。

考評局，你發生乜㞗事？算，第一日識佢咩，死死哋氣畀錢查卷算。

註一：摣，以五隻手指取物，「揸」的本字。

註二：摣兜，考試取 U (Unclassified)，因簡寫為「Uncl」而又有「uncle」的暱稱。

註三：柯佬，英文 Oral 的音譯，口試也。